ഈ ഓണത്തിന് നടുവണ്ണൂരുകാർ ചെണ്ടുമല്ലിയ്ക്കായി തമിഴ്നാട് വണ്ടി നോക്കി പോവേണ്ടി വരില്ല. നടുവണ്ണൂരിൽ ചെണ്ടുമല്ലി പാടമൊരുങ്ങുന്നു. തെക്കയിൽ താഴ പാട ശേഖരത്ത് ജൈവ കർഷകനും, നടുവണ്ണൂർ ഗ്രാമ പഞ്ചായത്ത് കൃഷി വർക്കിംഗ് ഗ്രൂപ്പംഗവും കൂടിയായ വി.കെ. സിദ്ധിഖ് ആണ് സ്വന്തം പൂക്കൃഷിയുമായി മുന്നിട്ടിറങ്ങിയിരിക്കുന്നത്.
നേരത്തെ നടത്തിയ ചെറുപയർ കൃഷിയും വിജയമായിരുന്നു. ജൈവ കൃഷി നടത്തുക മാത്രമല്ല, ജൈവ കൃഷി രീതി സംബന്ധിച്ച് ജില്ലയ്ക്ക് പുറത്തും കർഷകർക്ക് ബോധവൽക്കരണ ക്ലാസ് നടത്തുവാനും, സിദ്ധിഖ് സമയം കണ്ടെത്തുന്നു.
2021 ൽ മികച്ച കർഷകനായി തെരെഞ്ഞെടുത്ത ഇദ്ദേഹം പതിമൂന്നാം വാർഡിൽ ഞങ്ങളും കൃഷിയിലേക്ക് കാർഷിക സമിതിയുടെ മാസ്റ്റർ കർഷകനായും സ്പർശം കാർഷിക സംഘം പ്രസിഡന്റ്, കർഷക സംഘടന ഭാരവാഹി എന്നീ നിലകളിലും പ്രവർത്തിച്ച് വരുന്നു.
