ബനാന കട്ലറ്റ്
ഇന്ന് നമുക്ക് ഏത്തപ്പഴം ഉപയോഗിച്ച് കട്ലറ്റ് തയ്യാറാക്കുന്നത് എങ്ങനെ എന്ന് നോക്കാം.
ചേരുവകൾ
ഏത്തപ്പഴം -2 എണ്ണം
നെയ്യ് – 2 ടീസ്പൂൺ
കറുത്ത എള്ള് – 1 ടീസ്പൂൺ
കശുവണ്ടി – 1/4 കപ്പ് മുതൽ 1/2 കപ്പ് വരെ
തേങ്ങ – 3/4 കപ്പ്
എലക്കപ്പൊടി – 1/2 ടീസ്പൂൺ
ബ്രെഡ് ക്രമ്പ് – ആവശ്യത്തിന്
മൈദ – 1/4 കപ്പ്
എണ്ണ – ആവശ്യത്തിന്
തയ്യാറാക്കുന്ന വിധം
*ഏത്തപ്പഴം പുഴുങ്ങി ഉടച്ചു എടുക്കുക.
ഒരു പാനിൽ നെയ്യ് ചൂടാക്കി അതിലേക്ക് എള്ള് ഇട്ട് മൂപ്പിക്കുക. ശേഷം ഇതിലേക്ക് കശുവണ്ടി ചേർത്ത് മൂത്തു വരുമ്പോൾ തേങ്ങ ചേർക്കുക . വെള്ളമയം ഒക്കെ മാറി വരുമ്പോൾ നേരത്തെ പുഴുങ്ങി ഉടച്ചു വച്ച ഏത്തപ്പഴം കൂടി ചേർത്ത് നന്നായി ഇളക്കുക. പാത്രത്തിൽ നിന്നും വിട്ടുവരുന്ന പരുവമാകുമ്പോൾ തീ ഓഫ് ചെയ്യാം.
ചെറുചൂടോടെ ഇഷ്ടമുള്ള ഷേപ്പിൽ ഉരുട്ടിയെടുക്കുക. മൈദ ആവശ്യത്തിന് വെള്ളത്തില് കട്ടയില്ലാതെ കലക്കി എടുക്കാം. കട്ലറ്റ് ഓരോന്നും മൈദയിൽ മുക്കി അതിനുശേഷം ബ്രഡ് ക്രമ്പ്സിൽ മുക്കി എണ്ണയിൽ വറുത്തെടുക്കുക.
