AVvXsEjb1LC4hz5Qv351EbaT6FD7Zt8Ll1 FXGApXU55cRcZOroG5PtmDeX5Ly6in7nXPtm4eG I5dPHbmHybKEO6PQ0UOZD2waWLqld TBaJG7 P7uukuR9rY2G9N8gj8rd7p3kw6pj95agsK19W4yf44oj8ER1tRyiLo0iv5TwGIKEv6W BoMs 227Va6SNdM

നാരകം തഴച്ചു വളരുന്നുണ്ടെങ്കിലും കായ്ക്കുന്നില്ലേ?
ഈ 6 കാര്യങ്ങൾ ശ്രദ്ധിച്ചാൽ നാരകം നിറയെ പൂക്കും!

സൂര്യപ്രകാശവും നനയും മുതൽ കൊമ്പുകോതൽ വരെയുള്ള കൃത്യമായ പരിപാലന മുറകൾ അറിയാം 🍋

🌱 കാർഷിക സംശയങ്ങൾ | Lemon Tree Care

വീട്ടിൽ നാരകം നട്ടു, നന്നായി വളരുകയും ചെയ്തു എന്നാൽ കായ്ക്കുന്നില്ല എന്നത് പലരും പറയുന്ന ഒരു പരാതിയാണ്. എന്നാൽ, വെള്ളം നനയ്ക്കുന്നതും സൂര്യപ്രകാശവും വളപ്രയോഗവും ഒക്കെ ശ്രദ്ധിച്ചാൽ നാരകം പൂത്തുലയാനും കായ്ക്‌കൾ കൊഴിയാതെ പാകമാകാനും സാധിക്കും. ഇതിനായി ശ്രദ്ധിക്കേണ്ട ചില പ്രധാന കാര്യങ്ങൾ താഴെ പറയുന്നവയാണ്.

1. സൂര്യപ്രകാശവും നനയും ☀️💧

നാരകത്തിന് കുറഞ്ഞത് 6 മുതൽ 8 മണിക്കൂർ വരെ നേരിട്ട് സൂര്യപ്രകാശം ലഭിക്കുന്ന ഇടങ്ങളിൽ വേണം നട്ടുപിടിപ്പിക്കാൻ. തണൽ അധികമായാൽ ചെടി തഴച്ചു വളരുമെങ്കിലും കായ്‌ഫലം കുറയാൻ സാധ്യതയുണ്ട്.
ചെടിയുടെ ചുവട്ടിൽ എപ്പോഴും ഈർപ്പം നിലനിൽക്കണം, എന്നാൽ വെള്ളം കെട്ടിക്കിടക്കാൻ അനുവദിക്കരുത്. നാരകം പൂവിടുന്ന സമയത്ത് അമിതമായി നനയ്ക്കുന്നത് ഒഴിവാക്കണം, കാരണം ഈ സമയത്ത് വെള്ളം കൂടിയാൽ പൂക്കൾ കൊഴിഞ്ഞുപോയേക്കാം. എന്നാൽ കായ്‌കൾ പിടിച്ചു തുടങ്ങിയാൽ കൃത്യമായ നന ആവശ്യമാണ്.
നിങ്ങളുടെ നാരകം പൂവിടാൻ മടിക്കുകയാണെങ്കിൽ കുറച്ചു ദിവസത്തേക്ക് നന നിയന്ത്രിക്കുക. മണ്ണ് നന്നായി ഒന്ന് ഉണങ്ങിയ ശേഷം വീണ്ടും നനച്ചു തുടങ്ങിയാൽ ചെടി പെട്ടെന്ന് പൂവിടാൻ സാധ്യതയുണ്ട്.

2. ജൈവവളങ്ങളും എപ്സം സാൾട്ടും 💩

കടലപ്പിണ്ണാക്ക് വെള്ളത്തിലിട്ട് മൂന്നു നാല് ദിവസം പുളിപ്പിച്ച ശേഷം പത്തിരട്ടി വെള്ളം ചേർത്ത് ചുവട്ടിൽ ഒഴിച്ചു കൊടുക്കുന്നത് നാരകം തഴച്ചു വളരാൻ സഹായിക്കും.
ആഴ്‌ചയിലൊരിക്കൽ പുളിപ്പിച്ച കഞ്ഞിവെള്ളം നേർപ്പിച്ചു ചുവട്ടിൽ ഒഴിക്കുന്നത് നാരകത്തിന് വളരെ നല്ലതാണ്.
വർഷത്തിൽ രണ്ടു തവണ (മഴക്കാലത്തിന് മുൻപും ശേഷവും) എല്ലുപൊടിയും ചാണകപ്പൊടിയും പോലെയുള്ള ജൈവവളങ്ങൾ നൽകുന്നത് ചെടിയുടെ ആരോഗ്യത്തിന് ഗുണകരമാണ്.
നാരകത്തിന്റെ ഇലകൾ മഞ്ഞളിക്കുന്നത് തടയാനും പൂക്കൾ കൂടുതൽ പിടിക്കാനും എപ്സം സാൾട്ട് (മഗ്നീഷ്യം സൾഫേറ്റ്) സഹായിക്കും. ഒരു ലിറ്റർ വെള്ളത്തിൽ 5 ഗ്രാം എപ്സം സാൾട്ട് കലക്കി ഇലകളിൽ തളിക്കുകയോ ചുവട്ടിൽ ഒഴിക്കുകയോ ചെയ്യാം; ഇത് ചെടിയുടെ ക്ലോറോഫിൽ ഉൽപ്പാദനം വർദ്ധിപ്പിക്കുന്നു.

3. പ്രൂണിങ്ങും കീടനിയന്ത്രണവും ✂️

ചെടിയുടെ ഉൾഭാഗത്തേക്ക് വെളിച്ചവും വായുവും കടക്കുന്ന രീതിയിൽ ഇടതൂർന്ന ചില്ലകൾ മുറിച്ചു മാറ്റണം (Pruning).
അതുപോലെ നാരകത്തിൻ്റെ ചുവട്ടിൽ നിന്നും കുത്തനെ വളരുന്ന കരുത്തുള്ള കമ്പുകൾ (Water Suckers) മുറിച്ചു നീക്കാൻ ശ്രദ്ധിക്കണം. ഇവ ചെടിയുടെ പോഷകങ്ങൾ വലിച്ചെടുക്കുമെങ്കിലും കായ്‌ഫലം നൽകില്ല.
ഇലചുരുട്ടി പുഴുക്കളും ശലഭപ്പുഴുക്കളുമാണ് നാരകത്തിൻ്റെ പ്രധാന ശത്രുക്കൾ. വേപ്പെണ്ണ-വെളുത്തുള്ളി മിശ്രിതം നേർപ്പിച്ചു തളിക്കുന്നത് ഇത്തരം കീടങ്ങളെ അകറ്റാൻ സഹായിക്കും.

🥭 പ്രകൃതിയുടെ മധുരം… 100% ഓർഗാനിക്! 🥭

ഗ്രീൻ വില്ലേജിൽ നിന്നും നാടൻ മല്ലിക മാമ്പഴം

AVvXsEgSmDrYUQtQVZ AZjithyaQbHVk5Su7BY9oxliZbOSxdJQCT6LsEoqR5krq BBrhGSRkXP5P5YzbPc6JuYU29zlB9Ra7IUvLSNY4f WvOoer4eQ84RnyOisajvEL JCcbvTVyqx02MJdiiHauDmuimtKk4R CP0Qg MJGQ Fm0hOnn07pGBnthm4D3mu8

രാസവളങ്ങളോ കീടനാശിനികളോ തൊട്ടുതീണ്ടാത്ത നമ്മുടെ സ്വന്തം പറമ്പിലെ മല്ലിക മാമ്പഴം. കാർബൈഡ് വെക്കാതെ സ്വാഭാവികമായി പഴുപ്പിച്ചെടുത്തത്. അതിമനോഹരമായ സുഗന്ധവും തേൻമധുരവും!

വിലവിവരങ്ങൾ (കൊറിയർ ചാർജ് ഉൾപ്പെടെ):