മലബാർ ബീഫ് ബിരിയാണി | Malabar Beef Biryani
മലബാർ ബീഫ് ബിരിയാണി
ചേരുവകൾ
———-
മസാല:
ബീഫ് – 1 കിലോ
ഓയിൽ – 3 ടേബിൾസ്പൂൺ
ഉള്ളി – 5
തക്കാളി – 3
ഇഞ്ചിവെളുത്തുള്ളി പേസ്റ്റ് – 4 ടേബിൾസ്പൂൺ
ചില്ലി പേസ്റ്റ് – 1 ടേബിൾടസ്പൂൺ
നാരങ്ങാനീര് – 1 ടിസ്പൂൺ
മഞ്ഞൾപൊടി – അര ടിസ്പൂൺ
കുരുമുളക്പൊടി – ഒന്നര ടിസ്പൂൺ
ഗരം മസാല – 1 ടിസ്പൂൺ
കറിവേപ്പില
മല്ലി-പൊതിന ഇല
ഉപ്പ്
ചോറിനു:
ജീരകശാല റൈസ് – 4ഗ്ലാസ്
വെള്ളം – 6 ഗ്ലാസ്
നെയ്യ് – 6 ടേബിൾസ്പൂൺ
ലൈംജ്യൂസ് – 1 ടിസ്പൂൺ
കാരറ്റ് – 1 ചെറുത്
ഏലക്ക – 2
പട്ട -1
ഗ്രാമ്പു – 6-7
ബേലീഫ് – 1
ഉപ്പ്
ദം ഇടാൻ:
ഉള്ളി – 1
അണ്ടിപ്പരിപ്പ്, മുന്ദിരി
നാരങ്ങാനീര് – 2 ടേബിൾസ്പൂൺ
മഞ്ഞൾപൊടി – അര ടീസ്പൂൺ
മല്ലി – പോതിനാ ഇല
തയാറാക്കുന്ന വിധം
——————————–
ബീഫ് 1 ടിസ്പൂൺ കുരുമുളക് പൊടി, കാൽ ടിസ്പൂൺ മഞ്ഞൾ പൊടി എന്നിവയും, ഉപ്പും ചേർത്ത് വേവിച്ചു വെക്കുക.
എണ്ണ ചുടാക്കി ഉള്ളി വഴറ്റുക.നന്നായി വഴന്നു വന്നാൽ ഇഞ്ചി വെളുത്തുള്ളി പേസ്റ്റ്, ചില്ലി പേസ്റ്റ് ,തക്കാളി എന്നിവ ചേർത്ത് വഴറ്റുക. നന്നായി വഴന്നു വന്നാൽ വേവിച്ചു വച്ചിരിക്കുന്ന ബീഫ് ചേര്ക്കുക. പിന്നെ ഗരം മസാല , കാൽ ടിസ്പൂൺ മഞ്ഞൾപൊടി, അര ടിസ്പൂൺ കുരുമുളക് പൊടി, ലൈം ജ്യൂസ്, വേപ്പില, മല്ലി – പോതിനാഇല എന്നിവ ചേർത്ത് വഴറ്റി , 5 മിന്ട്ട് അടച്ച് വച്ച് തേ ഓഫ് ചെയ്യുക.
ചോറിനു വേണ്ട വെള്ളം തിളപ്പിക്കുക. നെയ്യ് ചുടാക്കി ദം ഇടാൻ ആവശ്യമായ അണ്ടിപ്പരിപ്പ്, മുന്ദിരി എന്നിവ വറുത്തെടുക്കുക. ശേഷം ഉള്ളി നേര്മയായി അരിഞ്ഞു ഗോൾഡൻബ്രൗൺ ആകുന്നതുവരെ ഫ്രൈ ചെയ്തു മാറ്റി വെക്കുക. അതേ എണ്ണയിൽ ഏലക്ക, പട്ട, ഗ്രാമ്പു, ബേലീഫ് എന്നിവ ചേർത്ത് ഇളക്കി കഴുകി വച്ച അരി ചേർത്ത്2-3 മിനിറ്റ് വരുക്കുക.പിന്നെ തിളയ്ക്കുന്ന വെള്ളം, ഉപ്പ് ലൈംജ്യൂസ് , കാരറ്റ് അരിഞ്ഞത് എന്നിവ ചേർത്ത് ഇളക്കി അടച്ചു വെക്കുക. നന്നായി തിളക്കുമ്പോൾ തീ കുറച്ചു വെക്കണം. 2 മിന്ട്ട് കഴിഞ്ഞ് ഇളക്കികൊടുത്തു ചെറുതീയിൽ അടച്ചുവച്ച് വേവിക്കുക.
ദം ഇടാനായി പാത്രം ചുടാക്കുക. അടിഭാഗത്ത് മസാല നിരത്തുക. അതിനു മുകളിൽപകുതി ചോറു ചേര്ക്കുക. ശേഷം മല്ലി – പോതിനാ ഇല , അണ്ടി- മുന്ദിരി, ഉള്ളി എന്നിവ നിരത്തുക. പിന്നെ നാരങ്ങാനീരിൽ മഞ്ഞൾപൊടി കലക്കിയത് പകുതി ചേർക്കുക. ബാക്കി ചോറ് കുടെ ചേർത്ത് നേരത്തെ ചെയ്തപോലെ ബാക്കിയുള്ളവ ചേർക്കുക. അടച്ചു വച്ച് 6-7 മിനിറ്റ് വളരെ ചെറിയ തീയിൽ വെക്കുക.
