ഒട്ടുമാവിന് തൈയുടെ ഇളംകൊമ്പുകള് ഉണങ്ങിക്കരിയുന്നു; കാരണമെന്ത്, പ്രതിവിധിയെന്ത് ?
മഴയും വെയിലും മാറിമാറിവരുന്ന സാഹചര്യത്തില് ഉണ്ടാകുന്ന കുമിള്ബാധയാണ് മാവിന്തൈയുടെ ശിഖരങ്ങള് ഉണങ്ങാന് കാരണം. മുന്കൂട്ടി പ്രതിരോധമെന്ന നിലയ്ക്ക് കുമിള്നാശിനികള് തളിച്ചിരുന്നെങ്കില് ഇത് ഒഴിവാക്കാമായിരുന്നു. ഇനി കുമിള്നാശിനിപ്രയോഗം നടത്തി തൈ രക്ഷിക്കാം.
ഇതിന് ഉണങ്ങിയശിഖരം ഉണക്കിന് ഒരിഞ്ചുതാഴെവെച്ചു മുറിച്ചുനീക്കണം. എന്നിട്ടു മുറിവായില് ബോര്ഡോക്കുഴമ്പ് പുരട്ടണം (100 ഗ്രാംവീതം നീറ്റുകക്കയും തുരിശും വെവ്വേറെ അരലിറ്റര്വീതം വെള്ളത്തില് കലക്കി രണ്ടും യോജിപ്പിച്ചാല് ബോര്ഡോക്കുഴമ്പായി).
ഒരുശതമാനം ബോര്ഡോമിശ്രിതം തൈമുഴുവന് നന്നായി തളിക്കുക. സ്യൂഡോമോണസ് എന്ന മിത്രബാക്റ്റീരിയയുടെ പൊടി 20 ഗ്രാം ഒരുലിറ്റര് വെള്ളത്തില് കലക്കി തളിക്കുന്നതും രോഗം നിയന്ത്രിക്കും. ഇവ മുന്കൂട്ടി ചെയ്താല് മാവിന്തൈക്ക് രോഗംവരാതെ രക്ഷിക്കാം.
തയ്യാറാക്കിയത്: സുരേഷ് മുതുകുളം