• അന്തരീക്ഷത്തിലേക്കു വളർന്നു പന്തലിക്കുന്ന ചെടികളെ കാറ്റിലും മഴയിലും മറ്റു പ്രതികൂല കാലാവസ്‌ഥയിലും മറിഞ്ഞുവീഴാതെ സംരക്ഷിക്കുന്നത് വേരുകളാണ്. അതിനാൽ അവയ്ക്ക് അതിവേഗം ആഴ്ന്നിറങ്ങാൻ പാകത്തിൽ മണ്ണ് ഇളക്കമുള്ളതാക്കുകയാണ് ഒന്നാമത്തെ കാര്യം.
• തക്കാളിച്ചെടിയുടെ വേരുപടലമല്ല തെങ്ങിനുള്ളത്; തെങ്ങിന്റെയത്രയല്ല പ്ലാവിനും മാവിനും ഉള്ളത്. ഇതിനാൽ ചെടികളുടെ ഭാവിയിലെ വളർച്ച കണക്കിലെടുത്തുവേണം മണ്ണിളക്കിയൊരുക്കാൻ.
• പച്ചക്കറിച്ചെടികളുടെ വേരോട്ടം ഏകദേശം രണ്ടു ചതുരശ്ര അടിയിൽ ഒതുങ്ങുന്നതിനാൽ മണ്ണ് അത്രത്തോളം തന്നെ താഴ്ത്തി ഇളക്കി കട്ടകൾ പൊടിച്ചെടുക്കണം.
• അതിനുശേഷം ഏതാനും ദിവസം നന്നായി നനച്ചുകൊണ്ട് മണ്ണിൽ ശേഷിക്കുന്ന കളകളുടെ വിത്തുകൾ മുളയ്ക്കാൻ അനുവദിക്കണം. മുളച്ചുവരുന്ന കളകൾ അപ്പപ്പോൾ പിഴുതുമാറ്റിയാൽ ഭാവിയിലെ കളശല്യം ഒരുപരിധിവരെ ഒഴിവാക്കാം.

• കേരളത്തിൽ പത്തിലേറെ തരം മേൽമണ്ണുണ്ട്, അവയ്ക്കു വ്യത്യസ്ത സ്വഭാവസവിശേഷതകളാണുണ്ടാവുക. അതിനാൽ മണ്ണിന്റെ തരമറിഞ്ഞു കൃഷിയിറക്കുന്നതാവും നല്ലത്. അല്ലെങ്കിൽ ചേർക്കുന്ന വളങ്ങൾ പൂർണമായി ചെടികൾക്ക് ഉപയോഗപ്പെടുത്താൻ കഴിയില്ലെന്നു മാത്രമല്ല, ചെലവാക്കുന്ന പണവും പണിയും പാഴാവുകയും ചെയ്യും.
• സംസ്ഥാനത്തെ എല്ലാ കൃഷിഭവൻ വഴിയും സൗജന്യമായി മണ്ണു പരിശോധിക്കാൻ സൗകര്യമുണ്ട്. ഏതൊക്കെ വളം, എത്ര അളവിൽ നൽകണമെന്നറിയാനും മണ്ണുപരിശോധന ആവശ്യമാണ്.
• പുളിരസമേറിയ മണ്ണിൽ ചെടികൾക്കു വേണ്ടവിധം വളം വലിച്ചെടുക്കാൻ കഴിയില്ല. വളർച്ച മുരടിച്ചവയുടെ അനാരോഗ്യം മൂലം രോഗ, കീടങ്ങളുടെ ആക്രമണം വർധിക്കുകയും ഉൽപാദനം കുറയുകയും ചെയ്യും.
• നീറ്റുകക്ക ചേർത്താണ് ഇത്തരം മണ്ണ് ക്ഷാരാംശമുള്ളതാക്കി മാറ്റുന്നത്. നീറ്റുകക്കയ്ക്കു പകരം ഡോളമൈറ്റ് ഉപയോഗിക്കാറുണ്ടെങ്കിലും കക്കത്തോട് ചൂളയിൽ നീറ്റിയെടുത്ത പൊടി സെന്റിന് ഒന്നു- രണ്ട് കിലോ വരെ ചേർക്കുന്നതാണ് മെച്ചം.

• കക്ക ചേർത്ത് രണ്ടാഴ്ച‌ കഴിയുന്നതോടെ ശുപാർശപ്രകാരമുള്ള ജൈവവളം ചേർത്തുകൊടുക്കണം. മണ്ണിൻ്റെ വളക്കുറനുസരിച്ചാവും ചെടികളുടെ വളർച്ചയും കായ്‌ഫലവും.
• ചാണകം, ആട്ടിൻകാഷ്‌ഠം, കോഴിവളം, പിണ്ണാക്ക്, പച്ചിലത്തൂപ്പുകൾ, പലതരം കംപോസ്‌റ്റുകൾ തുടങ്ങിയവയെല്ലാം ജൈവവളമായി നൽകാം.
• അവ ഫലഭൂയിഷ്ഠത മെച്ചപ്പെടുത്തുക മാത്രമല്ല, മണ്ണിൻ്റെ സൂക്ഷ്‌മ കാലാവസ്‌ഥയെ സുസ്ഥിരമാക്കുകയും ജലസംഭരണശേഷി വർധിപ്പിച്ചുകൊണ്ട് മണ്ണിന്റെ ചൂട് ക്രമീകരിക്കുകയും ചെയ്യും. ഈർപ്പവും രാസവളങ്ങളും ചെടികൾക്കും ലഭ്യമാവും വിധത്തിൽ മണ്ണിൽ ചേർത്തുപിടിക്കുന്നതിനും ജൈവവളങ്ങൾ അത്യാന്താപേക്ഷിതമാണ്.
• രാസവളമില്ലെങ്കിലും കൃഷി ചെയ്യാനാകും, പക്ഷേ ജൈവവളമല്ലാതെ ഒരിക്കലും കൃഷി സാധ്യമാവില്ല. മണ്ണിൻ്റെ പൊതുവായ അവസ്ഥയനുസരിച്ച് സെൻ്റിനു ശരാശരി 20 കിലോ ജൈവവളം നൽകണം.
• കോഴി, ആട്, പശു തുടങ്ങി പക്ഷിമൃഗാദികളെക്കൂടി വളർത്തിയാൽ ജൈവവളത്തിനു വേറെ കാശു മുടക്കേണ്ടതില്ല.
• രാസവളങ്ങൾ മാത്രം ചേർത്തുകൊടുത്തുകൊണ്ട് കൃഷി ലാഭകരമാക്കാമെന്നത് തെറ്റായ ധാരണയാണ്. അശാസ്ത്രീയ രാസവളപ്രയോഗം മണ്ണിന്റെ അമിത താപനത്തിനും കൃഷിക്കു ഗുണകരമായ സൂക്ഷ്മ ജീവികളുടെ നാശത്തിനും ജലസ്രോതസ്സുകളുടെ മലിനീകരണത്തിനും കാരണമാവുകയും ചെയ്യും.

📢 ഓൺലൈൻ പരിശീലന ക്ലാസ്സ്

ആധുനിക കൃഷിരീതികളെക്കുറിച്ച് കൂടുതൽ പഠിക്കാൻ ആഗ്രഹിക്കുന്നവർക്കായി ഒരു മികച്ച അവസരം! 🚀

• ✅ വിഷയങ്ങൾ: ഹൈഡ്രോപോണിക്സ്, അക്വാപോണിക്സ്, വെർട്ടിക്കൽ ഗാർഡൻ
• ✅ ക്ലാസ്സ് നയിക്കുന്നത്: ശ്രീ. അർഷദ് (അഗ്രികൾച്ചർ ഫാം ഓഫീസർ, മണ്ണുത്തി)
• ✅ തിയ്യതി: 2026 ഏപ്രിൽ 15 (ബുധനാഴ്ച)
• ✅ സമയം: രാത്രി 7:00 മുതൽ 9:00 വരെ
• ✅ പ്ലാറ്റ്ഫോം: ഓൺലൈൻ പ്ലാറ്റ്ഫോം വഴി
• ✅ ഫീസ്: ₹149/- മാത്രം

👉 ഇപ്പോൾ തന്നെ രജിസ്റ്റർ ചെയ്യുക 👈

👇 ഇതും വായിക്കുക 👇

*ദേശീയപാതയിലെ വൃത്തിഹീനമായ ടോയ്‌ലറ്റുകളുടെ ചിത്രം എടുത്തയക്കൂ; നിങ്ങൾക്ക് 1000 രൂപ പാരിതോഷികം നേടാം! 🛣️ |*
(കൂടുതൽ വായിക്കാൻ ഇവിടെ ക്ലിക്ക് ചെയ്യുക) 🖱️

കൂടുതൽ കാർഷിക വിവരങ്ങൾക്കും അപ്‌ഡേറ്റുകൾക്കുമായി ഞങ്ങളോടൊപ്പം ചേരുക 🤝

🌿 Join WhatsApp Group
📢 Join WhatsApp Channel