പുതിയ തേക്ക് പ്ലാന്റേഷനുകൾക്കായി വനം വകുപ്പിന്റെ നിലമ്പൂർ സെൻട്രൽ നഴ്സറിയിൽ ഒരുക്കിയത് 2.35 ലക്ഷം തേക്ക് തൈകൾ. പൊതുജന ങ്ങൾക്ക് വിലക്ക് നൽകാൻ 25,000 തൈകളുള്ള പ്രത്യേക നഴ്സറിയും ഒരുക്കിയിട്ടുണ്ട്. 27 രൂപയാണ് ഒരു തൈയുടെ വില. പാലക്കാട് ഈ സ്റ്റോൺ സർക്കിളിലെ നിലമ്പൂർ നോർത്ത്, സൗത്ത്, മണാർക്കാട്, നെന്മാറ, ഡിവിഷനുകൾക്ക് കീഴിലെ തേക്ക് തോട്ടങ്ങൾ മുറിച്ചുമാറ്റിയ സ്ഥലങ്ങളിലാണ് പുതിയ തൈകൾ പ്ലാന്റ് ചെയ്യുക.
പൂളക്കപ്പാറ, കാനക്കുത്ത് ഉൾപ്പെടെയുള്ള തോട്ടങ്ങളിൽ നിന്നും ശേഖരിച്ച വിത്തുകളാണ് തൈകൾ ഉത്പാദിപ്പിക്കാനായി ഉപയോഗിച്ചത്. കപ്പ് തൈകളാണ് സെൻട്രൽ നഴ്സറിയുള്ളത്. 50 വർഷം പൂർത്തിയാകുമ്പോൾ തോട്ടങ്ങൾ വനം വകുപ്പ് മുറിച്ചുമാറ്റും. ഇവിടെയാണ് പുതിയ തേക്ക് തോട്ടങ്ങൾ പ്ലാന്റ് ചെയ്യുക. പ്രളയത്തിനും കൊവിഡിനും ശേഷം പുതിയ തോക്ക് തോട്ടങ്ങൾ വെച്ചുപിടി പ്പിക്കാൻ ഒരുങ്ങുകയാണ് വനം വകുപ്പ്.
പൊതുജനങ്ങൾക്കായി വിൽപ്പനക്ക് തയ്യാറാക്കിയ 25,000 തൈകളിൽ 6000 എണ്ണം വിറ്റു കഴിഞ്ഞു. തമിഴ്നാട്ടിൽ നിന്നും കാസർക്കോട്, കണ്ണൂർ കോഴിക്കോട്, ജില്ലകളിൽ നിന്നുമാണ് കൂടുതൽ ആവശ്യക്കാർ എത്തുന്നത്. ഇക്കുറി തേക്ക് തൈകൾക്ക് ആവശ്യക്കാർ ഏറെയാണെന്ന് സെൻട്രൽ നഴ്സറി റേഞ്ച് ഓഫീസർ എം രമേശൻ പറഞ്ഞു. തൈകൾ ആവശ്യമു ള്ളവർക്ക് 8547 602171 നമ്പറിൽ ബന്ധപ്പെടാം.
