രുചികരവും എല്ലാവരും കഴിച്ചിട്ടുള്ളതുമായ വിഭവങ്ങളിലൊന്നാണ് ഫ്രൈഡ് റൈസ്. ഇതിനൊപ്പം കഴിക്കാൻ വ്യത്യസ്തമായ ചില്ലി ചിക്കൻ പരീക്ഷിച്ചാലോ. രുചിയേറിയ ആന്ധ്രാ സ്റ്റൈൽ ചില്ലി ചിക്കൻ നമുക്ക് തയ്യാറാക്കി നോക്കാം.
ആവശ്യമുള്ള സാധനങ്ങൾ
ചിക്കൻ-300 ഗ്രാം
തൈര്- രണ്ട് ടേബിൾസ്പൂൺ
ഇഞ്ചി- വെളുത്തുള്ളി പേസ്റ്റ്- രണ്ട് ടേബിൾ സ്പൂൺ
പച്ചമുളക് പേസ്റ്റ്- ഒരു ടേബിൾസ്പൂൺ
മഞ്ഞൾ അരച്ചത്- കാൽ ടീസ്പൂൺ
ഉപ്പ്- ആവശ്യത്തിന്
മസാലക്കൂട്ടിന്
മല്ലിയില- അരക്കപ്പ്
ജീരകം- കാൽ ടീസ്പൂൺ
സവാള- ഒരെണ്ണം
നെയ്യ്- ഒരു ടേബിൾസ്പൂൺ
പച്ചമുളക്- മൂന്നെണ്ണം
കറിവേപ്പില- നാല് തണ്ട്
തയ്യാറാക്കുന്ന വിധം
ചിക്കനിൽ തൈരും ഇഞ്ചി- വെളുത്തുള്ളി പേസ്റ്റും പച്ചമുളക് പേസ്റ്റും ഉപ്പും തേച്ചുപിടിപ്പിക്കുക. മല്ലിയില, കറിവേപ്പില, ജീരകം എന്നിവ അരയ്ക്കുക. പാനിൽ നെയ്യൊഴിച്ച് ചൂടാക്കി കറിവേപ്പില സവാള പച്ചമുളക് എന്നിവ വഴറ്റിക്കോളൂ. ഇതിലേക്ക് നേരത്തെ അരച്ചുവച്ച മല്ലിയിലക്കൂട്ട് ചേർക്കണം. ചിക്കൻ ഇതിലിട്ട് വറുത്തെടുക്കുക.
