വൈറലായ ആമസോൺ വിസ്മയം: ‘ചുപ്പാ ചുപ്പാ’ പഴത്തെ അടുത്തറിയാം
വൈറലായ ആമസോൺ വിസ്മയം: ‘ചുപ്പാ ചുപ്പാ’ പഴത്തെ അടുത്തറിയാം
പഴുത്ത മാമ്പഴത്തിന്റെയും പപ്പായയുടെയും തണ്ണിമത്തൻ്റെയും സ്വാദുകൾ ഒന്നിച്ചുചേർന്ന ഒരു പഴത്തെക്കുറിച്ച് ചിന്തിച്ചുനോക്കൂ. കേൾക്കുമ്പോൾ തന്നെ നാവപ്പൂറുന്ന ഈ ഉഷ്ണമേഖലാ വിസ്മയമാണ് ആമസോൺ കാടുകളിൽ നിന്നെത്തി ഇൻ്റർനെറ്റിലും വിപണിയിലും തരംഗമായി മാറിയ ‘ചുപ്പാ ചുപ്പാ’.
🍈 വിപണി കീഴടക്കിയ പഴം
2025 ഓഗസ്റ്റ് 10-ന് ഫിലിപ്പീൻസിലെ തിരക്കേറിയ കോഗോൺ പബ്ലിക്ക് മാർക്കെറ്റിലാണ് ഈ പഴം അതിൻ്റെ നാടകീയമായ രംഗപ്രവേശം നടത്തിയത്.
കച്ചവടക്കാർ കൈവണ്ടികളിൽ നിരത്തിവച്ച ഈ പഴങ്ങളുടെ ഉള്ളിലെ ഓറഞ്ച് കലർന്ന മഞ്ഞനിറമുള്ള കാമ്പ് കാണാനായി കുറച്ചു പഴങ്ങൾ മുറിച്ചും വച്ചിരുന്നു.
പുറംതോലിന് കട്ടിയുള്ള ഇവയ്ക്ക് ബ്രൗൺ കലർന്ന പച്ചനിറമാണ്. ഒറ്റനോട്ടത്തിൽ ഒരു ചെറിയ നാളികേരമോ സപ്പോട്ടയോ പോലെ തോന്നിപ്പിക്കുന്ന ഈ പഴത്തിന് ചുറ്റും ആളുകൾ ആകർഷിതരായി തടിച്ചുകൂടി.
വെറുംs ഒരു മണിക്കൂർ കൊണ്ട് മാർക്കറ്റിലെ മുഴുവൻ പഴങ്ങളും വിറ്റുതീർന്നു!
സമൂഹമാധ്യമങ്ങളിൽ ഈ പഴത്തിൻ്റെ മേന്മകളും സ്വാദും വൈറലായി. 2025 ഒക്ടോബറിൽ മനിലയിൽ നടന്ന Fruits & Food Festival-ലും ഈ പഴത്തിന് വലിയ സ്വീകാര്യത ലഭിച്ചു.
🌳 എന്താണ് ഈ ചുപ്പാ ചുപ്പാ?
ആമസോൺ നദീതടത്തിലെ വനമേഖലയായ ബ്രസീൽ, കൊളംബിയ, ഇക്വഡോർ, പെറു എന്നീ പ്രദേശങ്ങളിൽ സമൃദ്ധമായി വളരുന്ന ഈ വൻവൃക്ഷത്തിൻ്റെ ശാസ്ത്രീയ നാമം
Quararibea cordata എന്നാണ്. അമേരിക്കൻ സപ്പോട്ട എന്നും ഇതിന് പേരുണ്ട്.
- 20 മുതൽ 45 മീറ്റർ വരെ ഉയരത്തിൽ വളരും
- ഹൃദയാകൃതിയിലുള്ള കടുംപച്ച ഇലകൾ
- രാത്രിയിൽ വിടരുന്ന സുഗന്ധമുള്ള പൂക്കൾ
- പരാഗണം നടത്തുന്നത് ചിത്രശലഭങ്ങൾ, തേനീച്ചകൾ, ഹമ്മിങ് പക്ഷികൾ
“ചുപ്പാർ” എന്ന സ്പാനിഷ് പദത്തിൽ നിന്നാണ് ഈ പേരുണ്ടായത്. ചപ്പിയോ വലിച്ചുകുടിച്ചോ കഴിക്കുമ്പോഴാണ് ഇതിന്റെ യഥാർത്ഥ രുചി അനുഭവിക്കാനാകുന്നത്.
💪 പോഷകങ്ങളുടെ കലവറ
മോഹിപ്പിക്കുന്ന ഓറഞ്ചു കലർന്ന മഞ്ഞനിറം തന്നെ ചുപ്പാ ചുപ്പാ പഴം കരോട്ടിൻ സമൃദ്ധമാണെന്ന് വ്യക്തമാക്കുന്നു.
- കരോട്ടിൻ: 100 ഗ്രാം പൾപ്പിൽ 2400 മ്യു.ജി കരോട്ടീൻ
- വിറ്റാമിൻ സി: രോഗപ്രതിരോധശേഷി വർധിപ്പിക്കുന്നു
- കാൽസ്യം & ഫോസ്ഫറസ്: എല്ലുകൾക്കും പല്ലുകൾക്കും ഗുണം
- നാരുകൾ: ദഹന വ്യവസ്ഥയെ സഹായിക്കുന്നു
- ഇരുമ്പ്: ശരീരാരോഗ്യത്തിന് ആവശ്യകം
🌱 ഇത് നമുക്കും വളർത്താമോ?
കേരളത്തിലെ അംഗീകൃത നഴ്സറികളിലും ഇപ്പോൾ ചുപ്പാ ചുപ്പാ തൈകൾ ലഭ്യമാണ്. സ്വകാര്യ നഴ്സറികളിൽ ഇവയ്ക്ക് 1500 മുതൽ 5000 രൂപ വരെ വിലയുണ്ട്.
നല്ല നീർവാർച്ചയുള്ള മണ്ണും, മിതമായ നനവും, നല്ല സൂര്യപ്രകാശവുമുള്ള സ്ഥലങ്ങളിൽ ഇത് നന്നായി വളരും.
- ഒട്ടുതൈകൾ 3-4 വർഷത്തിൽ കായ്ക്കും
- ഒരു മരത്തിൽ നിന്ന് 300-1000 പഴങ്ങൾ വരെ ലഭിക്കും
- കായ് ഈച്ചകളും മെയ് ബീറ്റിലുകളും പ്രധാന ശത്രുക്കൾ
🛡️ സംരക്ഷണം അനിവാര്യം
വനനശീകരണം, വരൾച്ച, രാസമലിനീകരണം എന്നിവ കാരണം ഈ അപൂർവ്വ ഫലം ഇന്ന് നിലനിൽപ്പിനായി പോരാടുകയാണ്.
കൂടുതൽ സ്ഥലങ്ങളിൽ നല്ല തൈകൾ നട്ടുവളർത്തി സംരക്ഷിക്കുകയാണ് ഈ ഫലത്തെ നിലനിർത്താനുള്ള മാർഗം.